Loyiha matni 49901-(61999)

129-modda. Davlat roʻyxatidan oʻtkazish toʻgʻrisidagi guvohnomani berish tartibi
Davlat roʻyxatidan oʻtkazish tugallanganidan keyin roʻyxatdan oʻtkazuvchi organ ushbu
Kodeksning 130-moddasida belgilangan muddatlarda tadbirkorlik subyektiga tadbirkorlik subyektini
davlat roʻyxatidan oʻtkazish toʻgʻrisidagi guvohnoma rasmiylashtiradi.
Tizim orqali davlat roʻyxatidan oʻtkazilgan va davlat roʻyxatidan qayta oʻtkazilgan tadbirkorlik
subyektlariga avtomatik ravishda Oʻzbekiston Respublikasi Adliya vazirligi tomonidan belgilangan
shaklda davlat roʻyxatidan oʻtkazilganlik toʻgʻrisidagi guvohnoma rasmiylashtiriladi.
Roʻyxatdan oʻtkazilganligi toʻgʻrisidagi guvohnomada QR-kod (matrik shtrixli kod) hamda
identifikatsiya raqamlari boʻlishi kerak.
Yuridik shaxsni davlat roʻyxatidan oʻtkazish toʻgʻrisidagi guvohnoma hamda yuridik shaxs
boʻlmagan dehqon xoʻjaligi va yuridik shaxs boʻlmagan oilaviy tadbirkorlik subyektini davlat
roʻyxatidan oʻtkazish toʻgʻrisidagi guvohnoma cheklanmagan muddatga beriladi.
Yakka tartibdagi tadbirkorni davlat roʻyxatidan oʻtkazish toʻgʻrisidagi guvohnoma uning
hoxishiga koʻra cheklanmagan yoki muayyan muddatga beriladi.
Yuridik shaxs boʻlmagan tadbirkorlik subyektining davlat roʻyxatidan oʻtkazish toʻgʻrisidagi
guvohnomasida koʻrsatilgan faoliyat turi oʻzgargan taqdirda, ushbu tadbirkorlik subyekti oʻn kun
muddatda tadbirkorlik subyektini qayta roʻyxatdan oʻtkazish uchun murojaat qilishi lozim.

---

project.gov.uz
06.06.2022
57
Yuridik shaxs boʻlmagan tadbirkorlik subyektining davlat roʻyxatidan oʻtkazish toʻgʻrisidagi
guvohnomasida koʻrsatilgan identifikatsiyalovchi ID-kartasi, pasport yoki Oʻzbekiston Respublikasida
yashash guvohnomasi maʼlumotlari oʻzgargan taqdirda, mazkur oʻzgarishni qayd etgan vakolatli organ
besh ish kuni muddatda bu haqida tegishli roʻyxatdan oʻtkazuvchi organni “Elektron hukumat” tizimi
idoralararo integratsiya platformasi orqali xabardor qiladi.
Roʻyxatdan oʻtkazuvchi organ maʼlumot kelib tushgan paytdan boshlab uch ish kuni muddatda
Reyestrga tegishli oʻzgartirish kiritadi.