Loyiha matni 49901-(61999)

126-modda. Tadbirkorlik subyektlarini davlat roʻyxatidan oʻtkazish usullari
Tadbirkorlik subyektlarini davlat roʻyxatidan oʻtkazish quyidagi usullardan biri bilan amalga
oshiriladi:
roʻyxatdan oʻtkazuvchi organlarga oʻzi kelgan holda;
Internet jahon axborot tarmogʻidagi Tizim vositasida Oʻzbekiston Respublikasi Yagona
interaktiv davlat xizmatlari portali (bundan buyon matnda Yagona portal deb yuritiladi) orqali.
127-modda. Tadbirkorlik subyektlarini davlat roʻyxatidan oʻtkazishdagi toʻlovlar
Tadbirkorlik subyektlarini davlat roʻyxatidan oʻtkazish, qayta roʻyxatdan oʻtkazish uchun
“Davlat boji toʻgʻrisida”gi Oʻzbekiston Respublikasi Qonunida nazarda tutilgan stavkalar boʻyicha davlat
bojlari toʻlanadi.
Tadbirkorlik subyektlari yagona davlat reyestridan maʼlumotlar berish uchun yigʻimlar stavkalari
Oʻzbekiston Respublikasi Vazirlar Mahkamasi tomonidan belgilanadi.
Davlat bojlari va yigʻimlar elektron toʻlov tizimlari orqali toʻlanganda, ariza beruvchidan
Tadbirkorlik subyektlarini davlat roʻyxatidan oʻtkazishda roʻyxatdan oʻtkazuvchi organlar va vakolatli
tashkilotlar hamkorlik reglamentida belgilangan tartibda mutanosib ravishda taqsimlanadigan toʻlov
summasining bir foizi miqdorida vositachilik haqi ushlab qolinadi.
128-modda. Tizim orqali amalga oshiriladigan harakatlar

---

project.gov.uz
06.06.2022
56
Tizim orqali quyidagilar amalga oshiriladi:
tadbirkorlik subyektlarini davlat roʻyxatidan oʻtkazish;
qayta tashkil etish yoʻli bilan tashkil etilayotgan tadbirkorlik subyektlari – yuridik shaxslarni
davlat roʻyxatidan oʻtkazish;
tadbirkorlik subyektlarini davlat roʻyxatidan qayta oʻtkazish;
tadbirkorlik subyektlarini davlat roʻyxatidan oʻtkazish va davlat roʻyxatidan qayta oʻtkazish
uchun davlat bojini toʻlash;
tadbirkorlik subyektlarini davlat roʻyxatidan oʻtkazilganligi toʻgʻrisidagi guvohnomani erkin
olish;
yakka tartibdagi tadbirkor faoliyatini vaqtincha toʻxtatib turish va tiklash toʻgʻrisida ariza
topshirish;
roʻyxatdan oʻtkazuvchi organlar va vakolatli tashkilotlarning belgilangan tartibdagi hamkorligi;
roʻyxatdan oʻtkazuvchi organlar va vakolatli tashkilotlarni, shuningdek davlat va xoʻjalik
boshqaruvi organlarini tadbirkorlik subyektlarining manzili (joylashgan joyi, yashash joyi) oʻzgarganligi
toʻgʻrisida xabardor qilish;
ariza beruvchining shaxsiy kabinetini ochish va undan erkin foydalanish;
Reyestrdan koʻchirma, soʻralayotgan hujjat, tadbirkorlik subyektlarining roʻyxati yoki
soʻralayotgan maʼlumotning va (yoxud) hujjatning mavjud emasligi toʻgʻrisidagi maʼlumotnoma
shaklidagi tadbirkorlik subyektlari haqida aniq maʼlumot soʻrash va olish.