Loyiha matni 49901-(61999)

124-modda. Qayta tashkil etish yoʻli bilan tashkil qilinadigan tadbirkorlik subyekti-yuridik
shaxslarni davlat roʻyxatidan oʻtkazish
Yuridik shaxs ajratib chiqarish shaklida qayta tashkil etilganda qayta tashkil etiladigan yuridik
shaxsning taʼsis hujjatlariga kiritiladigan oʻzgartirish va qoʻshimchalar davlat roʻyxatidan oʻtkazilib,
ajralib chiqadigan yuridik shaxs esa yangi tashkil qilinayotgan yuridik shaxs sifatida davlat roʻyxatidan
oʻtkaziladi.
Yuridik shaxs qoʻshib olish shaklida qayta tashkil etilganda qoʻshib olayotgan yuridik shaxsning
taʼsis hujjatlariga kiritiladigan oʻzgartirish va qoʻshimchalar davlat roʻyxatidan oʻtkaziladi.
Yuridik shaxs qoʻshib yuborish, boʻlish va oʻzgartirish shaklida qayta tashkil etilganda yangi
tashkil etilayotgan yuridik shaxslar davlat roʻyxatidan oʻtkaziladi.
Qayta tashkil etish bir yoki bir necha yuridik shaxslar faoliyatining tugatilishiga sabab boʻlganda,
roʻyxatdan oʻtkazuvchi organ yangi tashkil etilgan yuridik shaxslarni davlat roʻyxatidan oʻtkazgandan

---

project.gov.uz
06.06.2022
55
soʻng Reyestrga ushbu yuridik shaxslar faoliyati tugatilgani toʻgʻrisidagi yozuv kiritadi.
Qayta tashkil etish yoʻli bilan tashkil etiladigan yuridik shaxslar ariza beruvchi murojaat etgan
istalgan joydagi roʻyxatdan oʻtkazuvchi organ tomonidan davlat roʻyxatidan oʻtkaziladi.
125-modda. Tadbirkorlik subyektlarini davlat roʻyxatidan oʻtkazish va hisobga
qoʻyishning avtomatlashtirilgan tizimi
Tadbirkorlik subyektlarini davlat roʻyxatidan oʻtkazish va hisobga qoʻyish roʻyxatdan
oʻtkazuvchi organ tomonidan Tadbirkorlik subyektlarini davlat roʻyxatidan oʻtkazish va hisobga
qoʻyishning avtomatlashtirilgan tizimi (bundan buyon matnda Tizim deb yuritiladi) orqali amalga
oshiriladi.
Tizim – tadbirkorlik subyektlarini davlat roʻyxatidan oʻtkazishni, shuningdek roʻyxatdan
oʻtkazuvchi organlar va vakolatli tashkilotlarning ushbu jarayondagi elektron hamkorligini taʼminlovchi
axborot-kommunikatsiya texnologiyalari kompleksi hisoblanadi.