Loyiha matni 49901-(61999)

130-modda. Tadbirkorlik subyektlarini davlat roʻyxatidan oʻtkazish muddatlari
Tadbirkorlik subyektlarini davlat roʻyxatidan oʻtkazish Tizim orqali real vaqt rejimida, lekin 30
daqiqadan oshmagan muddatda amalga oshiriladi.
Tadbirkorlik subyekti-yuridik shaxslarning taʼsis hujjatlariga ustav fondi (ustav kapitali)
miqdorini oʻzgartirish, ulushning (hissaning) boshqa shaxsga oʻtishi bilan bogʻliq boʻlgan oʻzgartirish va
qoʻshimchalar kiritilganda davlat roʻyxatidan qayta oʻtkazish muddati umumiy tartibda 16 ish soatidan,
tezlashtirilgan tartibda 4 ish soatidan oshmasligi lozim.
131-modda. Tadbirkorlik subyektini davlat roʻyxatidan oʻtkazish uchun hujjatlarni
taqdim etish tartibi
Tadbirkorlik subyektini davlat roʻyxatidan oʻtkazish uchun istalgan joydagi roʻyxatdan
oʻtkazuvchi organga shaxsan kelib murojaat qilinganda hujjatlar taʼsischilardan biri yoki ularning vakili
tomonidan taqdim etiladi.
Hujjatlar ariza beruvchining vakili tomonidan taqdim etilsa ushbu vakilning shaxsini
tasdiqlovchi hujjatni (pasport, identifikatsiyalovchi ID-karta, harbiy bilet, shaxsini va Oʻzbekiston
Respublikasidagi yashash joyini tasdiqlovchi boshqa hujjat) taqdim etadi.
Ariza beruvchi vakilining vakolatlarini tasdiqlovchi hujjat ishonchnoma, shartnoma, tadbirkorlik
subyekti-yuridik shaxs muassislarining qonunchilik hujjatlarida belgilangan tartibda rasmiylashtirilgan
qarori hisoblanadi.
Tadbirkorlik subyekti-yuridik shaxsni davlat roʻyxatidan oʻtkazish yuzasidan Tizim orqali
murojaat qilinganda shakllantirilgan soʻrovnoma hamda taqdim etiladigan barcha hujjatlar ariza
beruvchining elektron raqamli imzosi bilan tasdiqlanadi.
Tadbirkorlik subyektlari davlat roʻyxatidan oʻtkazilganda, shuningdek ular tomonidan
tadbirkorlik faoliyati amalga oshirilganda muhr va shtamplar, shuningdek ularning eskizlarini tayyorlash
talab qilinmaydi.
2-§. Tadbirkorlik subyekti-yuridik shaxsni davlat roʻyxatidan oʻtkazish