Mustaqiltik va xalqimiz ma'naviyatining qayta tiklanishi

Diniy ekstremizm va fundamentalizm xavfi

Dinning jamiyatdagi o'rniga e'tibor beradigan bo'lsak, uning bir qator mamlakatlarda davlat siyosatini belgilashini ko'ramiz. Hatto ba'zi davlatlar nomi ham shunga borib taqaladi. Masalan, Eron Islom Respublikasi va hokazo.

O'zbekiston Respublikasida hamma uchun vijdon erkinligi kafolatlanadi. O'zbekiston Respublikasining «Vijdon erkinligj va diniy tashkilotlar to'g'risida»gi (1991-yil 14-iyun, yangi tahrirda 1998-yil 1-may) Qonunida «vijdon erkinligi — fuqarolarning har qanday dinga в 'tiqod qilish yoki hech qanday dinga e'tiqod qilmaslikdan iborat kafolatlangan konstitutsiyaviy huquqidir» deyiladi. Ushbu qonunda vijdon erkinligi huquqi, fuqarolarning dinga munosabatidan qat'iy nazar, teng huquqliligi, dinning davlatdan ajratilganligi, davlat organlarining va fuqarolarning o'zini o'zi boshqarish organlarining diniy tashkilotlar bilan o'zaro munosabat borasidagi vakolatlari, ta'lim tizimi va din, diniy tashkilotlar maqomi, diniy o'quv yurtlari, diniy urf-odatlar va marosimlar, diniy tashkilotlar mulki hamda boshqa huquqlari belgilab qo'yilgan.

Mamlakatimizda diniy qarashlarni majburan singdirisga yo'l qo'yilmaydi. O'zbekistonda dinga, dindorlarga nisbatan davlat munosabati

O'zbekiston Respublikasi Konstitutsiyasining 31-moddasida belgilab qo'yilgan. O'zbekiston Respublikasida din davlatdan ajratilgan. Davlat diniy tashkilotlar zimmasiga o'zining hech qanday vazifasini bajarishni yuklamaydi. Diniy tashkilotlar davlat vazifalarini bajarmaydi. Ta'lim tizimi dindan ajratilgan.

Diniy e'tiqodi uchun yoki dinga ishonmasli'k uchun ta'qib etilmaslik, jazolanmaslik yoki kamsitilmaslik vijdon erkinligiga amal qilinayotganini bildiradi. Biror dinga e'tiqod qilishga majburlash ham vijdon erkimigiga ziddir. Vijdon erkinligi dunyoviy davlat tamoyillaridan kelib chiqadi. Lekin ko'pgina davlatlarda dindan siyosiy niqob sifatida foydalanib hokimiyatga intilish kuchayganligini ko'ramiz. Shu sababli ilmiy tilda diniy ekstremizm so'zi tez-tez takrorlanadigan bo'lib qoldi.