50
25-26-Laborotoriya mashg’uloti
Mavzu: Buyrak anatomiyasi. Siydik sifat tahlilini aniqlash.
Buyraklar organizmdan oqsil almashinuvi ohirgi mahsulotlarning (moche-vina, amiak,
kreatin,
siydik kislota, sulfitlar va boshqalarning) ko’p qismini chiqarib tashlaydi, qonning
osmotik bosimi va reaktsiyasini turg’un holda saqlab turadi. Buyraklar organizmga kirgan turli
zaharli va dori moddalarni ham chiqarib tashlaydi.
Buyraklarning tuzilishi va funktsional birligi nefrondir. Nefron ikki qavat devorli
kosacha-Boumen
kapsulasidan boshlanib, uning davomi birinchi tartib egri kanalchaga
aylanadi, bu kanalcha buyrakning miya qavatiga borib tug’rilanadi va Genle qovuzligini hosil
qiladi. Qovuzloqning yuqoriga ko’tariluvchi tirsagi ikkinchi tartib egri kanalchaga aylanadi
va siydik chiqaruvchi naylarga ochiladi. Siydik chiqaruvchi har bir nayga juda ko’p mayda
kanalchalar ochiladi.Siydik chiqaruvchi naylar buyrak jomi bo’shlig’iga chiqadigan so’rg’ich
uchiga ochiladi.Buyraklar qon tizimining o’ziga xos xususiyati shundan iboratki,
ulardagi
arteriya qon ikki qavat kapillyarlar turidan o’tadi. Buyrak arteriyasidan Baumen kapsulasining
har biriga qon olib keluvchi arteriya tomiri keladi va kapillyarlarning qalin turiga shoxlanadi.
Malpigi koptokchasi deb ataladi va kapsulaning boshqa qismida joylashgan bo’ladi. Malpigi
koptoqchasidagi kapillyarlar bir-biri bilan qo’shilib, qon olib ketuvchi arteriyalarni hosil
qiladi. Bu arteriya qaytadan birinchi, ikkinchi tartib egri kanalchalarini va Genle qovuzlog’ini
o’rab oluvchi kapillyarlarga bo’linadi. So’ngra kapillyarlar qo’shilib mayda venalarga
aylanadi, buyrak venasi hosil bo’lib, pastki kovak venaga ochiladi.Buyraklarda 2000000 ga
yaqin nefron bo’ladi.
Chiqaruv jarayonlari organizmda moddalar almashinuvining
ohirgi bosqichidir;
keyinchalik organizmda foydalanilmaydigan parchalanish maxsulotlari bu jarayonlar,
oqibatida organizmdan chiqarib tashlanadi.
Odamda buyraklar ter bezlari o’pka va ichak chiqaruv organlaridir. O’pka chiqaruv
organidir, chunki karbonat kislota, suv va uchuvchan moddalar, masalan, narkoz vaqtida efir
va xlorofrom bug’lari, maslikda alkogol bug’lari organizmdan o’pka orqali chiqib ketadi.
Ichak ba'zi og’ir
metallarning tuzlarini, shuningdek o’t pigmentlarining o’zgarish
maxsulotlarini organizmdan chiqarib yuboradi.
Chiqaruv organlari modda almashinuvining ohirgi mahsulotlarini organizmdan chiqarib
yuborish bilan bir qatorda, organizm ichki muhitining tarkibi va xossalarini doim bir darajada
saqlash uchun ham ahamiyatli. Masalan, ular osmo boshqarilishida, ya'ni
organizmda ichki
51
muhitining osmotik bosimining doim bir darajada saqlashda (izoosmiya) va undagi ionlar
tarkibining doim bir darjada saqlashda (izoioniya) qatnashadi.Chiqaruv organlari-buyraklar,
o’pka, ter bezlari-organizmda vodorod ionlari kontsentratsiyasini doim bir darajada saqlashda
ham muhim ahamiyatga egadir.O’pka alveolalari va teri yuzasidan suv bug’lanishi gavda
xaroratini
pasaytirdi, modomiki shunday ekan, ter bezlari va o’pka xarorat boshqarilishida
ham qatnashadi.
Chiqaruv azolar orasida yog’ va sut bezlari alohida o’rin tutadi.
Ular ajratadigan
moddalar teri yog’i va sut-modda almashinuvining ohirgi mahsuloti bo’lmay ma'lum
fiziologik ahamiyatga egadir; sut yangi tug’ilgan bolalarga ovqat bo’ladi, teri yog’i terini
moylab turadi.
Do'stlaringiz bilan baham: