O‘zbekiston respublikasi oliy va o‘rta maxsus ta’lim vazirligi samarqand davlat chet tillar instituti

KURS ISHINING MAQSADI VA VAZIFALARI

Kurs ishini bajarishdan maqsad - o‘quv rejasida ko‘zda tutilgan muayyan fan bo‘yicha ma’ruza va amaliy mashg‘ulotlarda olgan nazariy va amaliy bilimlarini mustahkamlash, chuqurlashtirish, umumlashtirish va ushbu bilimlarni konkret ijodiy va amaliy masalalarni mukammal echishda qo‘llashdir.

5111400-Xorijiy til va adabiyoti (ingliz tili) ta’lim yo‘nalishlari bo‘yicha “Tillar o’qitish metodikasi va ta’lim texnologiyalari” fanidan kurs ishi yozishdan asosiy maqsad quyidagilardan iborat:

• 
  talabalarni g‘arb va sharq adabiyoti namoyondalari va ularning asarlarini o‘rganishi uchun ma’lumotlar, ilmiy va o‘quv adabiyotlarini izlab topish va ularni o‘rganib chiqish hamda jamlab, xulosa qilish uchun mustaqil ta’lim olish faoliyatini faollashtiradi;
  
• 
  nazariy va amaliy materiallarni tahlil qilish va ilmiy xulosa berishni o‘rganishda malakasini oshiradi;
  
• 
  keltirilgan faktlar asosida to‘g‘ri xulosa chiqarishni o‘rganadi;
  
• 
  talabalarda me’yoriy, ma’lumotnoma va boshqa adabiyotlardan foydalanish ko‘nikmalarini hosil qiladi;
  
• 
  kerakli materiallarni rasmiylashtirish asosida yangiliklardan va adabiyotlardan to‘g‘ri foydalanishni o‘rganadi;
  
• 
  talabalarning ma’ruza va amaliy mashg‘ulotlarda, mustaqil faoliyatlarda olgan nazariy va amaliy ko‘nikmalarini ijodiy masalalarni bajarishda qo‘llay olishini namoyish etadi;
  
• 
  mustaqil fikrlash va eng maqbul echimlarni qabul qilishga o‘rgatadi;
  
• 
  axborot texnologiyalari vositasida tayyorlagan o‘z ishining taqdimoti (himoyasi)ni o‘tkazish, unda kurs ishini bajarish jarayonida egallagan natijalarni ishonchli dalillar bilan asoslash, o‘zini dadil tuta bilish, turli zamonaviy texnik vositalar va ularning dasturlaridan foydalana olish qobiliyatini ko‘rsatadi;
  
• 
  o‘quv jarayonida shakllangan kommunikativ ko‘nikmalarini namoyish etish, o‘z nuqtai nazarini himoya qila olish va murosaga kelish, muloqotga qo‘shilish, ish bo‘yicha savollarga asoslangan javob berish, etika qoidalariga rioya qilgan holda bahslashish, muzokaralar va davra suhbatlarida qatnashish imkoniyatini namoyish etadi;
  
• 
  talabalarda guruh bilan ishlash ko‘nikmalarini faollashtirish, oldinga qo‘yilgan maqsadni bajarish bo‘yicha tashabbus ko‘rsatish qobiliyatini kengaytirish, umumiy masalalarni echishda hamkorlar bilan ishlash ko‘nikmalarini mustahkamlaydi;
  
• 
  mustaqil ijodiy ishlash, ma’lumotlarni izlash, yig‘ish, qayta ishlash va saqlash uchun zamonaviy kompyuter va axborot texnologiyalaridan foydalana olish, ijodiy ishlash jarayonini to‘la nihoyasiga etkazish mas’uliyatini his etishga o‘rgatadi;
  
• 
  bitiruv malakaviy ishlarini yozishning birlamchi tayyorgarligidan o‘tadi.