O‘zbekiston respublikasi oliy va o‘rta maxsus ta’lim vazirligi toshkent davlat sharqshunoslik universiteti mamatova E’zoza Musayevna

Bo‘ronov S.M.
- siyosiy fanlar doktori, professor
M.M.Muhammadsidiqov
Himoya davlat attestatsiyasi hay’atining “Xalqaro munosabatlar va tashqi siyosat” mutaxassisligi magistrlik dissertatsiyalarini himoya qilish bo‘yicha 2021-yilning
14-iyun kuni soat 14:00da Toshkent davlat sharqshunoslik universitetida bo‘lib o‘tadi. (Manzil: 100070, Toshkent shahri, Shahrisabz ko‘chasi 16-uy, Tel: [phone], faks: [phone]).
Dissertatsiya annotatsiyasi 2021-yil 14-iyun kuni tarqatildi.

N.Z.Saidaliyeva
DAH ilmiy kotibi,
Falsafa fanlar nomzodi


1. DISSERTATSIYANING UMUMIY TAVSIFI


Magistrlik dissertatsiyasi mavzusining asoslanishi va uning dolzarbligi. Zamonaviy xalqaro munosabatlarda katta mavqega ega bo‘lgan, dunyoda eng katta tabiiy resurslarga egalik qiluvchi, shunindek, dunyoning qulay geografik hududida joylashgan arab davlatlaridagi siyosiy jarayonlar nafaqat mazkur mintaqa davlatlari uchun balki, butun dunyo davlatlariga ham ahamiyatli hisoblanadi. Ushbu mintaqa davlatlari bilan tashqi siyosiy aloqalar va hamkorlik masalalari bugungi kun zamonaviy tashqi siyosat konsepsiyasini belgilayotgan O‘zbekiston Respublikasi uchun alohida yondashuv va yo‘nalishni talab qiladi. Arab davlatlari orasida aynan Saudiya Arabistoni Podshohligi va Birlashgan Arab Amirliklari kabi davlatlar eng rivojlangan va katta ahamiyatga ega bo‘lgan.
Mazkur tadqiqot ana shu murakkab savollarga javob izlash, davrning dolzarb muammolari mohiyatini Fors ko‘rfazi arab davlatlari - Saudiya Arabistoni va Birlashgan Arab Amirliklari bilan O‘zbekiston Respublikasining jahon siyosiy maydoni jarayonlaridagi ishtirokidan kelib chiqqan holda yoritib berishga harakat qiladi va ushbu davlatlar o‘rtasidagi tarixiy-siyosiy munosabatlarning rivojlanish evolutsiyasi va hozirgi holati hamda kelajakdagi kutilayotgan natijalariga baho beradi.
Jahon hamjamiyati mamlakatlarining mazkur mintaqalarga bo‘lgan chuqur diqqat-e’tiborini ko‘p jihatdan Fors ko‘rfazi va O‘zbekistonning umumjahon iqtisodiyotining yoqilg‘i-energetik ta’minoti nuqtayi nazaridan geosiyosiy ahamiyatga ega ekanligi bilan izohlanadi. Ikki mintaqa o‘rtasidagi o‘zaro va xalqaro munosabatlarning o‘rnatilish, rivojlanish tendensiyalari va yaqin kelajakdagi yangi marralar borasida ilmiy-nazariy tadqiqot olib borish hamda zarur xulosa va takliflarni ishlab chiqish dolzarb ilmiy muammo hisoblanadi.