3
KIRISH
Sug‗urta sohasidagi dastlabki islohotlar
uning qonunchilik bazasini
mustahkamlashdan boshlanib, bu boradagi ishlar jamiyat va iqtisodiyot
rivojlanishining zamonaviy an‘analariga muvofiq ravishda takomillashtirilmoqda.
Davlatimiz o‗z mustaqilligini qo‗lga kiritgandan so‗ng sug‗urta tizimida jiddiy
o‗zgarishlar yuz berdi. Bozor munosabatlari sharoitida sug‗urta
tizimi mamlakat
hayotining iqtisodiy dastaklaridan biri sifatida iqtisodiyotning barqaror
rivojlanishida jismoniy va yuridik shaxslar manfaatlarini himoya qilish, ularning
risklar yuz berishi oqibatida ko‗rishi ehtimoli bo‗lgan
zararlarini qoplashning
zaruriy vositasi sifatida muhim o‗rin egallagan. Zero, jamiyat ijtimoiy-iqtisodiy
hayotida kutilmagan turli hodisalar bo‗lishi mumkin. Ularni sug‗urtalash orqali
taraqqiyotdagi muvozanatni saqlab turish mumkin.
Hayot sug‗urtasi shaxsiy sug‗urta tarmog‗ining asosini tashkil etib, mazkur
sug‗urta orqali insonning hayoti uning vafot etishidan, ma‘lum
yoshga etishidan,
kasallikdan, baxtsiz hodisadan, inson hayotidagi muhim voqealar hisoblanuvchi
farzand tug‗ilishi, nikohga kirishish va boshqa holatlar natijasida yuzaga keladigan
moddiy manfaatlar tomonlar o‗rtasida ixtiyoriylik asosida tuzilgan sug‗urta
shartnomasida kelishilgan sug‗urta summasi doirasida sug‗urtalovchi tomonidan
qoplab berilishidan iborat sug‗urta faoliyatidir.
Mamlakatimizda sug‗urta bozorini sifat
jihatdan modernizatsiyalash
natijasida milliy sug‗urtalovchilar tomonidan aholiga 200 dan ortiq sug‗urta
xizmatlari taklif etilayotgani O‗zbekiston sug‗urta bozorini taraqqiy etib
borayotganidan dalolat beradi. Bu o‗z navbatida, sug‗urta bozorini sog‗lom raqobat
asosida rivojlanishiga zamin yaratdi.
Hayot sug‗urta kompaniyalari faoliyatining olib borilishi hamda hayot
sug‗urtasidan samarali foydalanish yo‗llarini nazariy
va amaliy jihatdan tadqiq
etish muhim ahamiyat kasb etadi. Chunki, hozirgi paytda
sug‗urta kompaniyalari
jahondagi har bir davlatning eng muhim moliyaviy institutlaridan biri hisoblanadi.
Uning samarali faoliyat ko‗rsatishi iqtisodiy o‗sishning sifatiga, ijtimoiy
4
farovonlikning darajasiga, makroiqtisodiy barqarorlikni ta‘minlash
va milliy
iqtisodiyotda investitsion faoliyatni rivojlantirish masalalariga bevosita ta‘sir
ko‗rsatadi. Xuddi shuning uchun ham keyingi yillarda sug‗urta sohasiga, jumladan,
hayot sug‗urta tarmog‗iga katta e‘tibor bilan qaralayapti.
Qolaversa, hayot sug‗urta tarmog‗ida faoliyatini tashkil qilayotgan sug‗urta
kompaniyalari soni ham yildan yilga ortib bormoqda. Bu esa, sug‗urta sohasida
etuk mutaxassis kadrlarga bo‗lgan ehtiyojning ortishiga olib kelmoqda. Bu
boradagi ishlarni muvaffaqiyatli hal etish, sohaga oid darslik va o‗quv
qo‗llanmalar tayyorlash hamda oliy o‗quv yurtlarida ta‘lim olayotgan talabalarga
yetarlicha zamonaviy bilimlar berishni taqozo qilmoqda. Qo‗lingizdagi ―Hayot
sug‗urtasi‖ deb nomlangan darslik ana shu maqsadlarga xizmat qiladi.
Darslikda hayot sug‗urtasining paydo bo‗lishi va rivojlanish tarixi qisqacha
tarzda yoritilgan. Hayot sug‗urtasida sug‗urta
shartnomalarini tuzish, tarif
stavkalari va aktuar hisoblarni amalga oshirish, sug‗urta zahiralarini shakllantirish
masalalari o‗z ifodasini topgan. Hayot sug‗urtasini tashkil etishning o‗ziga xos
xususiyatlari keng yoritilgan.
Darslikning har bir bobidan so‗ng unda aks ettirilgan fikrlarning mohiyatini
idrok etish, o‗quvchining fikrlash qobiliyatini charxlash, uning mustaqil fikrlash
imkoniyatlarini kengaytirish uchun nazorat savollar keltirilgan.
Darslikning sifatini oshirishga (yaxshilashga)
xolisona xizmat qiladigan
fikrlarning barchasini mualliflar mamnuniyat bilan qabul qiladilar.
Do'stlaringiz bilan baham: