Рашод Нури гунтекин оэод обид таржимаси

Одила Дуду — Вой, ўғлим тушмагур-ей... Буни жўнгина битадиган осон иш дейсанми! Қизимнинг кўнгил қўйгани бола-чақалик одам-да...
Р у қ и я — Биз уни таниймизми-йўқми?
Одила Дуду — Нега танимас экансизлар! Албатта, танийсизлар! Фақат сизларга айтсамми ё айтмасамми деб хуноб бўляпман. Ҳай, майли, айтақалай... Бу одам... сизларнинг Халилингиз...
Ш а р и ф — (Лол хрлиб.) Халил?
Р у қ и я — Вой Заҳроси тушмагур-ей... Ахир, унингиз менинг Халилим- нинг юзини бирон марта тузукроқ ҳам кўрган эмас-ку...
ОдилаДуду — Халилнинг овозига ишқи тушиб қолипти, Унинг қироатини эшитган экан... Нима ҳам қила оласан! Буни ишқ деб қўйишибди. Қоралаб бўлмайди.. Агар одам ишқни қораласа, Оллоҳ унинг бошига бирон кулфат юборади.
Р у қ и я — Вой Парвардигор! Ҳаммаси ўзингнинг ихтиёрингда... Азизим Дуду, бизни нима деб ўйлаяпсан! Саҳрода ўсган бағри тош одамлар эмас- миз-ку! Ўлибдими, ишқ нималигини тушунмасак... Е бизнинг қалбимиз йўқми?
ОдилаДуду — Халил бўйдоқ бўлганида мен ўйлаб ҳам ўгирмас эдим. Худонинг иродаси деб, Заҳро билан никоҳини ўқитиб қўя қолардим...
ЖАХ.ОН АДАБИЙТИ
56

Сепига уй билан дўконни берардим... (Шарифга) Халил икковларинг уйни тартибга келтирар эдинлар. У ёқ-бу ёғини таъмирлаб, одам қўярдиларинг, ижара ҳақини ўзларинг олардиларинг... Карзини қистаб келадиганларнинг ҳам дами ичига тушиб кетарди... Салоҳий-Палоҳий деганлари ёнингизга йўлашга ботинолмай қоларди... Турмушимиз роса ўнгланиб кетарди-да!
Р у қ и я — Рост айтасиз, бекажон. Келинимиз бўлмаганда роса ҳам соз бўларди-я!
Ш а р и ф — Ҳа, албатта, албатта. Нега энди Халилни шоша-пиша уй- лантириб қўйган эканмиз?
Р у қ и я — Ўғлим, оғзимни пештаҳам қилишдан худонинг ўзи асрасин- у, лекин каллаварам одам хотини бўлмаса чидаёлармиди?
ОдилаДуду — Каллаварам ҳам, доноси ҳам бир гўр...
Ш а р и ф — (Кулади, Одиланинг елкасига қоқади.) Гапларингиз бирам доноки, Одила хоним... Эшитган сари эшитгиси келади одам...
ОдилаДуду — Кекса аёлни бекорга калака қилмоқчи бўляпсан! Шу бугуноқ ижара ҳақини тўланглар! Тўлолмасаларинг, уйни бўшатинглар. Қанча тез бўшатсанглар, шунча яхши! Халил қайтиб келиб, хотинчасига ғазал айтиб, кўнгилхўшлик қилар экан-да, менинг болам шўрлик куйиб адо бўлар- эканми? Сизлар бу ердан кетмоқларинг керак.