Тeхнологик жараёнларни бошқариш-нинг ахборот-коммуникация тизимлари

Фан бўйича талабаларнинг тасаввур, билим, кўникма ва малакасига қўйиладиган талаблар
«Бошқариш назарияси» ўқув фанини ўзлаштириш жараёнида талаба:

• 
  автоматик бошқариш назариясининг ривожланиш тенденциялари;
  
• 
  саноатда ва техник объектларни автоматлаштириш;
  
• 
  автоматик системанинг ўрни ва роли ҳақида тасаввурга эга бўлиши;
  
• 
  автоматик бошқаришнинг асосий принципларини;
  
• 
  автоматик бошқариш системаларининг асосий турлари ва уларнинг математик ифодасини;
  
• 
  бошқариш системасининг турғунлик ҳолатларини ҳамда сифат кўрсаткичларини баҳолаш усулларини билиши ва улардан фойдалана олиши;
  
• 
  автоматик бошқариш ва ростлашнинг ҳисобларини амалга ошириш;
  
• 
  замонавий бошқариш системалари ва технологик жараёнларнинг асосий кўрсаткичларини аниқлаш кўникмаларига эга бўлиши;
  

– автоматлаштириш ва бошқариш тизимларининг янги воситаларини йиғиш, ишга тушириш ва улардан фойдаланиш, шунингдек, синаш, фойдаланиш учун топшириш ва уларга техник хизмат кўрсатиш малакаларига эга бўлиши керак.
Фаннинг ўқув режадаги бошқа фанлар билан ўзаро боғлиқлиги ва
услубий жиҳатдан узвийлиги
«Бошқариш назарияси» умумкасбий фани ҳисобланиб, 4- ва 5-семестрларда ўқитилади. Дастурни амалга ошириш ўқув режасидаги математик ва табиий-илмий (олий математика, физика, ахборот жараёнлари ва тизимлари) ва умумкасбий (дастурлаш тиллари базасида техник иловалар, бошқариш тизимларининг элементлари ва қурилмалари) фанлардан етарли билим ва кўникмаларга эга бўлишни талаб этади.


Фаннинг илм-фан ва ишлаб чиқаришдаги ўрни

Ишлаб чиқаришда эришилган муваффақиятлар ҳамда ютуқлар мамлакатимизнинг иқтисодиёти ва маданиятини ривожлантириш, шунингдек, аҳолининг турмуш фаровонлигини ошириш учун аҳамиятга эга бўлган саноатни яратиш учун асос бўлмоқда. Ўз навбатида бошқариш назарияси ишлаб чиқариш самарадорлигини мутассил ошириш, маҳсулот сифатини юқори даражага кўтариш, ҳаражатларни камайтириш, меҳнат шароитларини яхшилаш ва ишлаб чиқаришда хавфсизлик техникасини таъминлаш учун хизмат қиладиган асосий омил ҳисобланади. Шунинг учун ушбу фан умумкасбий фани ҳисобланиб, ишлаб чиқариш технологик тизимининг ажралмас бўғинидир.