Тошкент кимё-технология институти «Информатика, автоматлаштириш ва бошқарув» кафедраси «ихтисосликка кириш»

Касбий фаолият турлари
5311000 – Технологик жараёнлар ва ишлаб чиқаришни автоматлаштириш ва бошқариш таълим йўналиши бўйича бакалавр ўзининг фундаментал, умумкасбий ва махсус тайёргарлигига мувофиқ қуйидаги касбий фаолият турларини ўзлаштиради:
- ишлаб чиқариш-технологик: техник воситалар ва дастурий маҳсулот­лар ишлаб чиқиш ва талаб қилинган сифат даражасидаги автоматлаштириш ва бошқариш тизимини яратиш; автоматлаштириш ва бошқариш тизимларини курилмавий-дастурий мажмуаларни тайёрлаш ва уларни тайёрлаш учун узатиш; техникавий ва дастурий воситаларни жамлаш, автоматлаштириш ва бошқариш тизимларини курилмавий-дастурий мажмуаларни яратиш;
- лойиҳавий-конструкторлик: автоматлаштириш ва бошқариш тизимлари, назорат қилиш воситалари курилмавий-дастурий мажмуалари архитектурасининг дастурий таъминотини лойиҳалаш; автоматлаштирилган бошқариш тизимларини лойиҳалаш ва созлаш;
- экспериментал-тадқиқот: илмий тажрибаларни режалаштириш ва ўтказиш; автоматлаштирилган ва бошкариладиган объектлар сифатида техник тизимлар, технологик жараёнлар ва ишлаб чиқаришнинг математик моделларини тузиш; техник тизимлар ва технологик жараёнларнинг алгоритмик ва дастурий таъминоти; автоматлаштириш ва бошқариш тизимларини тадқиқ қилишнинг қурилмавий-техник воситаларини янги замонавий тарзда лойиҳалаш, яратиш ва синовдан ўтказиш; илмий-техник адабиётларни таҳлил қилиш каби касбий фаолият турларини бажариш.
Турдош касбларга мослашиш имкониятлари
таълим йўналиши бўйича бакалавр қуйидаги:
- ташкил қилиш ва бошқариш: энергияни, хом-ашё ва материалларни техник назоратдан ўтказиш; технологик регламент талаблари асосида жиҳозлардан самарали фойдаланиш; ишлаб чиқариш жамоаси ишларини ташкил қилиш; ишлаб чиқаришни техник-иқтисодий таҳлил қилиш, турли технологик вариантларни иқтисодий кўрсаткичлар бўйича таққослаш;
- фойдаланиш ва сервис хизмат кўрсатиш: жиҳозларни таъмирлаш ва улардан фойдаланишни такомиллаштириш, назорат-синов қурилмаларидан фойдаланиш; атроф-муҳит муҳофазаси бўйича технологик тадбирларни амалга ошириш, оқова сувлар ва газ ҳолатдаги чиқиндиларни назорат қилиш ва улардан фойдаланиш, ишлаб чиқаришнинг экологик паспортини тузиш; сервис хизмат кўрсатишни ташкил қилиш ҳамда бошқа касбий фаолият турларига мослашиши мумкин.