Urug’li mevalardan kompot ishlab chiqarish texnologiyasi

Bolalar uchun kompotlar. Bu kompotlarning odatdagi kompotlardan farqi shuki, xom ashyodagi barcha danak va urug’ olinadi. Urug’li mevalarning po’stlog’i ham olinadi. Bu turdagi kompotlarni ishlab chiqarish uchun saylangan xom ashyo ishlatiladi, ular yaxshilab inspektsiyalanadi va yuviladi.
Dietik ovqatlanish uchun kompotlar. Dietik ovqatlanish uchun kompotlar odatdagidek tayyorlanadi, uning farqi shundaki, bankalarga joylashtirilgan meva ustiga qand siropi o’rniga filtrlangan qaynatilgan suv yoki o’sha mevaning oldinroq tayyorlangan filtrlangan sharbati quyiladi.
Ushbu konservalarning shirinligini oshirish uchun suv yoki ustiga quyiladigan sharbatga shirin moddalar - polispirtlar (sorbit va ksilit), shirinligi qanddan 400-500 marotaba ko’proq bo’lgan saxarinning natriyli tuzi – C6H4CONaCO2 qo’shiladi. Sorbit qo’shilgan quyma tarkibidagi quruq modda
miqdori refraktometr bo’yicha 20-30%, ksilit qo’shilganda esa 17-27% -ni tashkil etishi kerak. Polispirtli kompotlarda 7,3%-gacha asosan inert qand mavjud. Ushbu qand meva bilan keladi, qandli moddalarning
qolgan qismi mahsulot massasidan - 9,6%-gachasini polispirtlar tashkil etadi.