Xalilova nasiba rustamovnaning

Qashqadaryo viloyati Nishon tumanidagi
Davlat 35-ixtisoslashtirilgan umumta`lim maktabi
ona tili va adabiyoti fani o`qituvchisi
XALILOVA NASIBA RUSTAMOVNANING
O`zbekiston xalq shoiri Muhammad Yusuf
tavalludining 66 yilligiga
bag`ishlab yozgan
,,Qalblarda qo`shiq bo`lib yashagan shoir’’
nomli tadbir ssenariysi


Qalblarda qo`shiq bo`lib yashagan shoir
O`zbekiston Xalq shoiri Muhammad Yusuf tavalludinining 66 yilligiga bag`ishlab umumta’lim maktablarida o`tkaziladigan tadbir ssenariysi
( Sahna lolaqizg`aldoqlar bilan bezatilgan. Sahna to`riga Muhammad Yusufning portreti, devoriy gazetalar, shoir qalamiga mansub she’riy misralar, shiorlar osilgan. Shoir hayoti va faoliyatiga doir turli fotosuratlar, she’riy to`plamlari, she’rlari chop etilgan gazeta va jurnallar qo`yilgan. Tadbirga mehmonlar, o`qituvchilar, talabalar va o`quvchilar taklif qilingan.
Zal uzra mahzun kuy . ,,Unutmoq osonmas bizlarni’’ qo`shig`i yangrab turibdi. Tadbirni ikki nafar boshlovchi olib boradi.
1-Boshlovchi: - Assalom-u alaykum, hurmatli mehmonlar, aziz ustozlar, qadrdon o`quvchilar!
2-Boshlovchi: - Assalom-u alaykum, bugungi kechamizga tashrif buyurgan adabiyot ixlosmandlari!
1-Boshlovchi:- Xalqimizning suyukli farzandi , O`zbekiston xalq shoiri Muhammad Yusuf tavalludinining 66 yilligi munosabati bilan shoir nomini yod, ruhini shod etish maqsadida o`tkazilayotgan tadbirimazga xush kelibsiz!
2-Boshlovchi:- Jonajon Vatanini dildan suygan, o`tli misralari bilan muxlislarini poklikka, ezgulikka chorlagan,o`zbek adabiyotining bulbulzabon shoirlaridan biri Muhammad Yusuf edi. Agar shoir hayot bo`lganida bu yil 66 bahorni qarshilagan bo`lardi.
1-Boshlovchi:- Muhammad Yusuf o`zining ,,Xavotir’’ sarlavhali she’rida:
Qo`rqaman, ertaga men o`lib ketsam,