Xalilova nasiba rustamovnaning

Said Ahmad siymosidagi o`quvchi: Muhammad Yusuf pokiza inson edi. U odamlarning esini og`dirgan, o`ylatgan, kuldirgan, yig`latgan, topgan-tutganini odamlar ustiga sochgan saxiylik timsoli edi.
…Muhammad Yusuf tez og`izga tushdi. Birorta shoir uningdek tez nom chiqarmagan, nomdor bo`lmagan. Ochig`ini aytsam Muhammadga ko`z tegdi. Aslini olganda asl shoirlar uzoq yashamaydilar. Ammo ortidan abadiy yashaydigan meros qoldirib ketadilar. U mana shunday o`lmas meros qoldirdi.
Muhammad she’r muxlislarining yuragini o`rtab ketdi. Endi shoirning o`zi yo`q. Ammo Muhammad deb atalmish She’riya t bor. Bu she’riyat also zavol bilmaydi.
Erkin Vohidov siymosidagi o`quvchi: -
Muhammad Yusufni men taniqli yozuvchi Nazir Safarov orqali taniganman. Muhammadjon Nazir aka xonadonida turar, yoshgina o`smir yigitchaning poytaxtdagi ilk qadamlari mana shu ostonadan boshlangan, bu uydagi adabiy muhit bo`lajak shoirga katta maktab bo`lgan edi…
Bu ozg`ingina, Istarasi issiq, qorachagina yigitcha bir ko`rishdayoq meni o`ziga tortgan edi. Shu o`rinda bir narsani ta’kidlamoqchimanki, inson umrining oxirigacha ilm o`rganadi, hayot darsini o`rganadi. Ammo she’r yozish ilmi shunday ilmki, uni o`rganib bo`lmaydi. U tug`ma bo`lishi kerak. Muhammadjon tug`ma iste’dod sohibi edi. U bu iste’dodni rivojlantirdi, o`ziga talabchan bo`ldi.
U paytlarda she’riyatdagi taxallusi yo`q edi. Muhammadjon Yusupov nomi bilan ijod qilardi…
U juda tez og`izga tushdi. Uning tanqidiy yonalishdagi ,,luqma’’lari, kichik-kichik qatralari, bir qator maqolalari Maqsad Yaxshiyev nomi bilan gazetalar sahifalarida tez-tez ko`zga tashlanadigan bo`ldi. Sal keyinroq u Muhammad Yusuf nomi bilan elga tanildi.
Muhammadjon bugun oramizda yo`q. Ammo ustozlari, yaqinlari, farzandlari xotirasida yaxshi ishlari, xokisorligi, mehrliligi bilan muhrlanib qolgan bo`lsa, shaxsan tanigan , tanimagan muxlislari tasavvurida yig`latadigan , o`ylatadigan , ezgulikka yetaklaydigan she’r-u qo`shiqlari bilan yashab qoladi.