Xalilova nasiba rustamovnaning

Senga sodiq o`g`il bo`lsam bas!...*
(Sahnada 2 nafar o`quvchi ,,Samarqand’’ she’ri asosida yaratilgan qo`shiqni ijro etadilar )
Samarqand
Samarqandga borsam men agar ,
Ulug`bekni ko`rib qaytaman.
U qon yig`lab turar har safar:
Men dardimni kimga aytaman…*
2-Boshlovchi:-
,,Oh , mening ortimdan ovvora onam” ,-
Hofiz kuylaganda ko`zda yosh qalqar .
Ota ,deya armon bilan yurganlarga ,
Boshimizni silab bugun Vatan balqar.
( 2 nafar o`quvchi ,,Ota’’ , ,,Onamga ‘’ she’rlarini ifodali yod aytadilar).
4-O`quvchi:-
Ota
Armonim bor , bu dunyoda armonim bor ,
Qoq dalada o`tlar o`sgan o`rmonim bor .
Qizg`aldoqday boshim egik bu makonda ,
Yoshin yashab o`tmagan otajonim bor…
5-O`quvchi :-
Onamga
Oh , mening ortimdan ovvora onam,
Bir parcha yuragi ming pora onam .
Har baloni ko`rib yorug` dunyoda ,
Toshkanni ko`rmagan bechora onam.
Bolang bo`lib bir bor boshlab keldimmi ,
Endi men ham senga o`g`il bo`ldimmi?..
( ,,Beshinchi o`gil ‘’ she’ri asosida sahnaviy ko`rinish 6-7 nafar o`quvchi ijrosida namoyish etiladi ) .
Beshinchi o`g`il
Yetmish yulduz yog`ilib ,
Yarim oycha to`lolmas ,
Yetti yanga yig`ilib ,
Bitta ona bo`lolmas ,
Ona tirik eshikka
G`urbat yaqin kelolmas ,
Mening esa bag`rim qon ,
Vayronaman , Onajon …*
1-Boshlovchi :- Shoir she`rlari sodda , ravon , xalq og`zaki ijodiga hamohangligi bilan qalbimiz to`ridan joy olgan .
Ayniqsa , shoirning ,, O`zbek’’ , ,,Belbog` ‘’ , ,, O`zbekmomo’’ , ,,O`zbekning ayollari’’ , ,, Onam yig`lar ‘’, ,,Oq tulpor ‘’ , ,, Ko`nglimda bir yor ‘’ , ,,Biz baxtli bo`lamiz ‘’, ,, Yur muhabbat ‘’, ,, Qizlar qo`shigi ‘’ , ,,Bor bo`lsin ‘’ , ,,Mehr qolur ‘’ , ,,Yig`lab turing ‘’ kabi o`nlab she’rlarining mazmuni va diltortar ohangdorligi tinglovchini sehrlab qo`yadi .