Xalilova nasiba rustamovnaning

Yotar bo`lsam qumga botib yuzlarim,
Ko`nglimni ko`chkiday bosadi bir g`am-
Yig`lashni ham bilmas mening qizlarim…
-deb yozgan bo`lsa,
2-Boshlovchi:- ,,Onaizor’’ nomli she’rida:
Sig`may qolsam shunday keng bu jahona,
Osmonlarga ruhim bo`lsa ravona,
Jonsiz tanim ustida ham parvona,
Onam yig`lar, onam yig`lar, onam u…
Gulday kulib yurmasmidi,o`g`lim deb,
Ko`rib ko`nglim to`lmasmidi, o`g`lim deb,
Onang o`lsa bo`lmasmidi o`g`lim, deb,
Onam yig`lar, onam yig`lar, onam u…
- deya shoir xuddi umri qisqa bo`lishini oldindan bilgandek yozgan edi.
1-Boshlovchi: Ha, shoir qizlarining yig`lashga o`rganishini kutib o`tirmay, baqoga sayr qilib, onaizorini,yaqinlarini va minglab muxlislarini yig`latib og`ir judolik o`tiga tashlab ketdi.
2-Boshlovchi:
Bir arsloni ketdi O`zbekning ,
Ohi ko`kka yetdi O`zbekning.
Quyosh yig`la, osmon, aza tut,
Muhammadi ketdi O`zbekning.
1-Boshlovchi:
Baland ketdi, shoniga ketdi,
Jannatning ayvoniga ketdi.
Turk yukini yelkalashay deb,
Yassaviyning yoniga ketdi.
(H. Xudoyberdiyeva)
( Monitorda Muhammad Yusufning hayoti va faoliyatiga doir ma’lumotlar , fotosuratlar slayt orqali namoyish qilinadi.)
O`zbekiston xalq shoiri Muhammad Yusuf 1954-yil 26- aprelda Andijon viloyatining Marhamat tumanidagi Qovunchi qishlog`ida oddiy zahmatkash odamlar oilasida tavallud topdi.
O`rta maktabni tugatgandan so`ng Respublika Rus tili va adabiyoti institutini 1978 yilda tamomladi. Uning dastlabki she’rlaridan namunalar 1976-yilda ,,O`zbekiston adabiyoti va san’ati ‘’ haftaligi sahifalarida chop etiladi.
1978-1980-yillarda Respublika ,,Kitobsevarlar’’ jamiyatida , 1980-1986-yillarda ,,Toshkent oqshomi’’ ro`znomasida , 1986-1995-yillarda esa G`afur G`ulom nomidagi adabiyot va san’at nashriyotida , 1992-1995-yillarda ,,O`zbekiston ovozi ro`znomasida, O`zbekiston milliy axborot agentligi (o`zA)da xizmat qildi. 1997- yildan e’tiboran shoir O`zbekiston Yozuvchilar uyushmasi raisining o`rinbosari etib tayinlandi.
She’riy to`plamlari: ,,Tanish teraklar’’ (Birinchi she’riy to`plami) (1985),,,Bulbilga bir gapim bor’’ (1987), ,,Iltijo’’ (1988), ,,Uyqudagi qiz’’(1989), ,,Halima enam allalari’’ (1989), ,,Ishq kemasi’’ (1990), ,,Ko`nglimda bir yor’’(1990), ,,Bevafo ko`p ekan’’ (1991), ,,Yolg`onchi yor’’, ,,Erka kiyik’’(1992), ,,Osmonimga olib ketaman’’.