Август -2015 она тили фанидан август кенгашлари шўъба йиғилишларини ўтказиш юзасидан тавсиялар

1-4 синфларда:
1. Озод ва ҳур Ўзбекистоннинг бахтиёр фарзандиман
2. Мутақил юрт байроғини баланд кўтарамиз
3. Буюк юртнинг муносиб фарзандларимиз.
4. Онадек азиз, ғамхўр ва меҳрибон – Ватан
5. Юртимнинг сўлим оромгоҳларида мириқиб дам олдик.
6. Шодон болалик учун – биз Ватандан миннатдор
7. Ўқиймиз, ўйнаймиз, озод Ватанда!
8. Қувноқ болаликни куйлаймиз.
Бошланғич синф ўқувчиларининг табиати, руҳий хусусиятларидан келиб чиқиб юқоридаги мавзулардан бирида машғулот ўтказилади. Унда мустақилликнинг 24 йили мобайнида мамлакатимизда болаларнинг жисмонан ва маънан соғлом ва бақувват бўлиб ўсишлари учун яратилган имкониятлар, улар мустақил Ўзбекистоннинг ўқувчилари, ўтмиши буюк халқ фарзандлари эканликлари, дунё илм-фанига катта ҳисса қўшган улуғ боболари ҳақида қизиқарли суҳбатлар ташкил этилиши, она Ватан гўзалликлари: боғ-роғлари, тоғ, қир-адирлари, шарқироқ сувлари, меҳмондўст халқи, бағри кенг инсонлари хусусида савол-жавоблар ўтказилиши, миллатимизнинг улуғлари, уларнинг юрт тинчлиги, миллат фаровонлиги учун олиб борган курашлари ҳақида лавҳалар, ҳикоя ва шеърлар ўқиш ва муҳокама қилиш мумкин. Шунингдек, мустақиллигимизнинг 24 йиллигини муносиб кутиб олиш учун катта тайёргарлик ишлари олиб борилаётганлиги, бундан болалар ҳам четда қолмаётганлиги, яъни таълим муассасалари томонидан кўплаб мевали ва манзарали дарахтлар ҳамда гул кўчатлари экилганлиги ва бу диёримиз ҳуснига ҳусн қўшиши, барчанинг баҳри дилини очиши, бунда болаларнинг ҳиссалари қанча эканлигини сўраш (Нима учун кўча, уй, маҳалла, мактабимиз чиройли бўлишини истаймиз?, Чиройли жой ёки нарса инсонга нима беради?, Акси бўлса-чи? каби саволлар орқали ўқувчиларни баҳсга чорлаш мумкин), шунингдек, спорт, санъат ва мусиқа йўналишида болалар учун яратилган шароитлар: спорт секциялари, “Тарона” гуруҳи, “Тамоша” болалар мусиқий театри, “Янги авлод”болалар ижодиёти фестиваллари, халқаро ва республика кўрик-танловларида катта ютуқларни қўлга киритаётган ғолиблар, уларнинг чет эл сафарлари ҳақида қизиқарли суҳбатлар, саҳна кўринишлари, шеърхонлик ўтказилиши ўқувчилар қалбида ўчмас из қолдиради.