Fiziologiya

Nazorat savollari.
1. Odamning so`lak bezlariga qaysi bezlar kiradi ?
2. Organizm uchun so`lakning ahamiyati ?
3. So`lakning tarkibini vaso‘lak fermentlarni ayting ?

3-ish. Me`da shirasidagi fermentlarning xususiyatlari aniqlash.
Nazariy tushuncha: Odam me`dasida bir kecha-kunduzda 2,0-2,5l shira ajraladi. Bu shira tinik rangsiz suyuqlik bo’lib, tarkibida 0,3-0,5 % xlorid kislota bor, reaktsiyasi nordon pH 1,5-1,8. Me`da shirasidagi xlorid kislota oqsillarni denaturatsiya qiladi, ularning shishib bo’shashishini ta`minlaydi va pepsin ta`sirida keyinchalik parchalanishini engillashtiradi. HCl pepsinogenni faollashtiradi, kislotali muxit yaratadi, bakteriotsid xususiyatga ega. Me`da shirasida Na, K, Ca, Mg xloridlari, sul’fatlari, bikarbonatlari, ammiak kabi ko’pgina anorganiq moddalar bor. Uning osmotik bosimi qon plazmasinikidan baland. Organiq moddalardan azotli birikmalar 200-500 mg\l bo’lib, ulardan siydikchil, siydik va sut kislotalari, aminokislotalar va polipeptidlar mavjud.
Ishdan maqsad: Me`da shirasi fermentlarining xususiyatlarini aniqlash.
Ish uchun kerakli jihozlar: shtativ va probirkalar, suv hammomi, tuxum yoki go`sht bo`lakchasi, me`da sirasi, Hcl, NaOH, spirtovka, shisha tayoqcha.
Ishni bajarish tartibi: 4 probirka olinadi, ularning uchtasiga me`da shirasi va to`rtinchisiga xlorid kislota solinadi. Ikkinchi probirka spirtovka yordamida qizdiriladi, uchinchi probirkaga ishqor solinadi. To`rtala probirkaga teng miqdorda oqsil bo`lagi solinadi va suv hammomiga 30 minut saqlanadi. So`ngra probirkalarning qaysisida reaktsiya sodir bo`lganligi aniqlanadi.
4-ish. O`t suyuqligini yog`larga ta`siri.
Nazariy tushuncha. Ichak shirasining yog`larni parchalashi uning tarkibida o`t suyuqligining borligi bilan bog`liq. Ovqat hazm qilish yo`lida o`t suyuqligi juda ko`p funksiyalarni bajaradi, ayniqsa, o`t suyuqligi yog`larni emulsiyaga aylantirib, keyin ularning fermentlar yordamida parchalanishi va so`rilishini yengillashtiradi yoki osonlashtiradi.