Ветеринария ва чорвачиликни ривожлантириш қЎмитаси самарқанд давлат ветеринария медицинаси, чорвачилик ва биотехнологиялар универцитети

2. Хусусий текширишлар
2.1. Хўжаликнинг иқтисодий тавсифи

Илмий тадқиқотларнинг экспериментал қисми 2020-2022 йиллар давомида Фарғона вилояти Боғдод туманидаги «Ғофуржон Дехқон» фермер хўжалиги шароитида бажарилди.

«Ғофуржон Дехқон» қорамолчилик фермер хўжалиги наслчиликка ихтисослашган бўлиб, 2019 йилда Германия 200 бош қора ола зотли буғоз таналар олиб келинган. 2019 йилда эса Чехиядан 120 бош сигирлар келтирилиб парваришланмоқда. Мазкур фермер хўжалиги асосан қорамолчиликга ихтисослашган бўлиб, унинг иқтисодиётида деҳқончилик ҳам катта салмоққа эга. Хўжаликнинг жами ер майдони 580 гектарни ташкил этиб, шундан 310 гектарига ҳайвонлар учун беда пичани, макка силоси етиштириш учун фойдаланилади. Тажрибаларни бошлаш пайтида фермер хўжалигида жами қорамоллар – 410 бошни ташкил этиб, шундан соғин сигирлар – 200 бош, боғоз – 109 бош, бир ёшдан катта бузоқлар – 187 бош, бир ёшгача бузоқлар – 125 бош, бўрдоқига боқилаётган қорамоллар – 10 бош ва насиллик бўқалар – 1 бошни ташкил этди.
Қорамолчилик фермер хўжалиги юқумли касалликлардан соғломлаштирилган бўлиб, юқумсиз касалликлардан гиповитаминозлар, микроэлементозлар, туёқ касалликлари, мастит, эндометрит, остеодистрофия, йўлдошнинг ушланиб қолиши, алиментар бепуштлик ёш ҳайвонларда эса диспепсия ва рахит касалликлари учраб туради.
Хўжалик бўйича бир бош сигирдан соғиб олинган сут 2019 йилда 4000 кг, 2020 йилда 4500 кг, ва 2021 йилда эса 5400 кг ни, 100 бош сигирдан бузоқ олиш 2019 йилда 287 бош, 2020 йилда 305 бош, ташкил этди.


1-жадвал
Хўжаликда чорва молларини сонининг ўзгариши, бош

Кўрсаткичлар	2019 йил	2020 йил	2021 йил
Жами қорамоллар	309	355	410
Шундан сигирлар	200	225	314