Ўзбекистон республикаси ёшларининг

7- БОБ
ЧАҚИРУВГА ҚАДАР БОШЛАНҒИЧ ТАЙЁРГАРЛИК
ФАНИ ЎҚИТУВЧИСИНИНГ ҲУҚУҚ ВА ИМТИЁЗЛАРИ


52. Таълим муассасасининг чақирувга қадар бошланғич тайёргарлик фани ўқитувчиси, чақирувга қадар бошланғич тайёргарлик бўйича туман (шаҳар) Ўрта махсус, касб-ҳунар таълими марказига қарашли ҳудудий бошқарма мутахассисининг педагогик иш стажига Қуролли Кучлар сафида, Ўзбекистон Республикаси Ички ишлар вазирлиги ва Миллий хавфсизлик хизмати органларида ўтаган ҳақиқий ҳарбий хизмат муддати қўшилади.
53. Ҳарбий кабинетга мудирлик қилаётган чақирувга қадар бошланғич тайёргарлик фани ўқитувчисининг иш ҳақига таълим муассасаси ўқитувчиси учун жорий этилган қўшимча ҳақ тўлаш тизими қўлланилади.
54. Таълим муассасасининг чақирувга қадар бошланғич тайёргарлик фани ўқитувчисига республика таълим муассасаларининг ўқитувчилари учун кўзда тутилган имтиёзлар ва ижтимоий кафолатлар татбиқ этилади.
55. Ҳақиқий ҳарбий хизматдан захира (резерв) ёки истеъфога бўшатилиб, таълим муассасаларининг чақирувга қадар бошланғич тайёргарлик фани ўқитувчиси лавозимига тайинланган захирадаги (резервдаги) ва истеъфодаги офицерга, шунингдек, чақирувга қадар бошланғич тайёргарлик фани ўқитувчиси тайёрланадиган факультетни тамомлаган бўлиб, офицерлик унвони берилган тарзда чақирувга қадар бошланғич тайёргарлик фани ўқитувчиси сифатида ишга йўлланган шахсга ҳарбий кийим кийиб юриш ҳуқуқи берилади.
56. Чақирувга қадар бошланғич тайёргарлик фани ўқитувчиси лавозимида ишлаётган захирадаги (резервдаги) ва истеъфодаги офицерга (сержантга) ҳар 4 йилда бир маротаба Ўзбекистон Республикаси Қуролли Кучлари офицери (сержанти) учун жорий этилган кундалик ҳарбий кийим, ушбу шахс томонидан ҳарбий кийим учун белгиланган нархнинг 70 фоизини тўланиши шарти билан берилади. Зикр этилган шахсга бериладиган ҳарбий кийим нархининг қолган қисми, шунингдек, чақирувга қадар бошланғич тайёргарлик фани ўқитувчиси тайёрланадиган факультет битирувчисига бериладиган ҳарбий кийимнинг тўлиқ нархи тасарруфида таълим муассасаси бўлган тегишли вазирликлар, идоралар ва давлат қўмиталарининг маблағлари ҳисобидан тўланади.
Зарурат бўлса, чақирувга қадар бошланғич тайёргарлик фани ўқитувчиси ҳарбий савдо дўконларидан ҳарбий кийим, пойафзал ва ҳарбий кийимга тааллуқли анжомларни ўз ҳисобидан харид қилиб олиши мумкин.