Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

УМУМИЙ ХУЛОСА ВА ТАВСИЯЛАР 132
ФОЙДАЛАНИЛГАН АДАБИЁТЛАР РЎЙХАТИ 135
ИЛОВАЛАР 152


КИРИШ (фалсафа доктори (PhD) диссертацияси аннотацияси)
Диссертация мавзусининг долзарблиги ва зарурати.Жаҳонда ҳалқаро ташкилотлар ва ривожланган давлатлар томонидан қабул қилинган 2030 йилгача янги таълим концепциясида “Таълим – тараққиётнингасосий ҳаракатлантирувчи кучи ва барқарор ривожланиш мақсадларга етказувчи муҳим фаолият”, деб эътироф қилинган¹. Сифатли таълим бериш, талабаларнинг лойиҳалаш компетентлигини ривожлантириш, электрон ахборот-таълим ресурсларини яратиш, таълим жараёнини моделлаштиришнинг истиқболли йўналишларини белгилашда замонавий педагогик ва ахборот-коммуникация технологиялари дидактик имкониятларидан фойдаланилмоқда.
Жаҳон таълим тизимида электрон ахборот таълим муҳитида талабаларнинг лойиҳалаш компетентлигини ривожлантириш, бўлажак муҳандисларнинг замонавий технологик билимларини кенгайтириш, ахборот технологиялари (оптик эффектлар, 3D-таълим заллари) асосида лойиҳалаш фаолиятини ривожлантириш, масофавий таълим шаклларини кенг татбиқ этиш, очиқ таълим ресурслари, аралаш таълим (online/offline) технологияларини ривожлантиришда илғор таълим технологияларидан фойдаланиш долзарбмуаммо сифатида қаралмоқда.
Мамлакатимизда олиб борилаётган кенг кўламли ислоҳотлар ёшларимизнинг хориждаги тенгдошлари билан илм-фан, маданият, тадбиркорлик, спорт ва бошқа соҳаларда фаол мулоқотда бўлиши, уларнинг ўз салоҳиятини дунё миқёсида намоён этиши учун катта имконият яратмоқда. 2017-2021 йилларда Ўзбекистон Республикасини янада ривожлантириш бўйича Ҳаракатлар стратегиясида “педагог кадрларнинг касбий маҳорати сифати ва савиясини узлуксиз юксалтириш”²олий таълим тизимини комплекс ривожлантириш бўйича энг муҳим устувор вазифалардан бири сифатида белгиланди. Буларнинг барчасидан биз ягона бир мақсадни кўзда тутмоқдамиз – Ўзбекистон илм-фан, интеллектуал салоҳият соҳасида, замонавий кадрлар, юксак технологиялар борасида дунё миқёсида рақобатбардош бўлиши шартдеб таъкидланди. Масофавий таълимга юқори эҳтиёж мавжуд бўлган айни пайтда техника йўналиши олий таълим муассасалари электрон ахборот таълим муҳитида бўлажак муҳандисларнинг лойиҳалаш компетентлигини глобаллашув жараёни талаблари асосида ривожлантириш заруриятини вужудга келтирди.
Ўзбекистон Республикаси Президентининг 2017 йил 7 февралдаги ПФ-4947 сон “Ўзбекистон Республикасини янада ривожлантириш бўйича Ҳаракатлар стратегияси тўғрисида” ги фармони, 2017 йил 20 апрелдаги ПҚ-2909-сон “Олий таълим тизимини янада ривожлантириш тўғрисида“ги ва 2018 йил 5 июндаги ПҚ-3775-сон “Олий таълим муассасаларида таълим сифатини ошириш ва уларнинг мамлакатда амалга оширилаётган кенг қамровли ислоҳотларда фаол иштирокини таъминлаш бўйича қўшимча чора-тадбирлар тўғрисида” ги қарорлари ва бошқа меъёрий-ҳуқуқий ҳужжатларда белгиланган вазифаларни амалга оширишда мазкур диссертация тадқиқоти муайян даражада хизматқилади.