Ўзбекистон республикаси олий ва ўрта махсус таълим вазирлиги низомий номидаги тошкент давлат педагогика университети

Тадқиқотнинг мақсади электрон таълим муҳитида бўлажак муҳандисларнинг лойиҳалаш компетентлигини ривожлантириш методикасини ишлаб чиқишдан иборат.
Тадқиқотнинг вазифалари:
олий таълим муассасаларида бўлажак муҳандисларнинг лойиҳалаш фаолиятга тайёрлаш ҳолатининг тизимли таҳлили ва электрон таълим муҳитида ўқитишнинг имкониятларини аниқлаш;
олий таълим тизимида бўлажак муҳандисларнинг лойиҳалаш компе-тентлигини ривожлантиришни амалга оширишнинг методик шарт-шароитларини аниқлаш;
электрон таълим муҳитида бўлажак муҳандисларда лойиҳалаш компетентлигини ривожлантириш моделини ишлаб чиқиш;
электрон таълим муҳитида бўлажак муҳандисларда лойиҳалаш компетентлигини ривожлантиришни муаммоли-модулли ва фреймли технологиялардан фойдаланиш орқали амалга ошириш методикасини ишлаб чиқиш;
Тадқиқотнинг объекти техника йўналиши олий таълим муассасалари талабаларнинг электрон таълим муҳитида лойиҳалаш компетентлигини ривожлантириш.
Тадқиқотнинг предмети бўлажак муҳандисларнинг лойиҳалаш компетентлигини электрон таълим муҳитида ривожлантиришнинг шакл, метод ва воситалари.
Тадқиқотнинг усуллари. Илмий адабиётларни тадқиқот муаммоси нуқтаи назаридан тизимли ўрганиш; олий таълим ДТС, малака талаблари, ўқув режа ва дастурларни танқидий таҳлил қилиш; умумкасбий фанлар бўйича илмий–методик манбаларнинг қиёсий таҳлили; таълим-тарбия жараёнини кузатиш, анкета-сўровномалар ўтказиш, суҳбат, тажриба-синов ишларини амалга ошириш ҳамда олинган натижаларга математик-статистик ишлов бериш методларидан фойдаланилди.
Тадқиқотнинг илмий янгилиги қуйидагилардан иборат:
бўлажак муҳандисларнинг лойиҳалаш компетентлигини ривожлантиришда очиқ ҳамда интерфаол мулоқотни таъминловчи электрон таълим муҳитининг таркибий-функционал компонентлари (контентли, технологик ва коммуникацион) мазмунан такомиллаштирилган;
бўлажак муҳандисларни лойиҳалаш фаолиятга тайёргарлигини такомиллаштиришни таъминловчи мотивацион-мослашувчан, интегратив ва бошқарув ресурслари билан тақдим этилган электрон таълим муҳитининг педагогик потенциали аниқланган;
бўлажак муҳандисларнинг лойиҳалаш компетентлигини ривожланти-ришнинг ўқув-методик таъминотимуаммоли-модулли ва фреймли ўқитиш каби таълим методларини умумкасбий ва ихтисослик фанларини ўқитишда қўллаш асосида такомиллаштирилган;
бўлажак муҳандисларнинг лойиҳалаш компетентлиги сифат кўрсаткич-лари (лойиҳалаш, креативлик, технологик) ва тайёргарлик даражаларини (юқори, ўрта ва паст) квалиметрик ёндашув асосида такомиллаштириш орқали баҳолашнинг объективлик хусусиятлари (автоматик, ҳаққонийлик, интег-ративлик) кенгайтирилган.