Psixologiya fanining predmeti bu - psixikadir. Psixika - tashqi olamni ongimizda aks ettirilishidir. Psixika moddiy olam taraqqiyotining eng yuqori bosqichida – tirik mavjudotlar : hayvonlar va odamlar paydo bo`lgan bosqichda vujudga kelgan.Yuksak taraqqiyot darajasiga erishgan hayvonlar va odamda psixikaning tarqqiyoti bosh miya katta yarim sharlari po`stining rivojlanishi bilan uzviy, chambarchas bog`liq. Shunday qilib psixika, ong-materiya taraqqiyotining yuqori bosqichida vujudga keladigan xossasidir.Bu xossa alohida yo`sinda tashkil topgan materiya – miyaning yuksak darajadagi mahsulidir.Miyaning xususiyati bo`lgan psixika tashqi olamni aks ettirish qobiliyatiga ega.Ob`ektiv voqelikdagi narsa va hodisalar odamning sezgi a`zolariga, nerv tizimiga ta`sir etar ekan, shu narsa va hodisalar uning miyasida aks etadi.
Do'stlaringiz bilan baham: |