Bitiruv malakaviy ish Mavzu: Erkin Vohidov lirikasi: badiiy mahorat va uslubiy individuallik

1.2. Shoir ijodida Vatan, muhabbat, do‘stlik va vaqt mavzusi

Ma’lumki, Erkin Vohidov ijodida Vatan, muhabbat, do‘stlik, vaqt mavzusi alohida mavqega va ahamiyatga ega. Birgina shu mavzular talqinidagi tadrijiylikni, ijodiy takomilni kuzatsak ham ushbu fikrlarning naqadar real hayotiy zaminga egaligiga guvoh bo‘lamiz. Erkin Vohidovning 1974 yili yozilgan “O‘zbekiston” she’riga diqqat qaratsak, shoirning olamga, borliqqa nisbatan ijtimoiy-estetik qarashlari muayyan darajada aks etganiga guvoh bo‘lamiz. She’rda shunday misralarni o‘qiymiz:

Yurtim,

Seni yana oldim qalamga

To‘ying, shodiyonang bahona bo‘lib.

Yana kelib qo‘nding tonggi misramga

Falak nisor etgan durdona bo‘lib.

Iqbol peshonamga bitgan oshyonim –

O‘zbekistonim.

Toleim bor ekan,

Senga hamnafas,

Otashin quyoshing bilan yo‘g‘rildim.

Yuz yil avval emas, yuz yil so‘ng emas,

Tug‘yonli asrda senda tug‘ildim.

Gullar cochding men ilk bosgan qadamga

Bag‘ring menga nurli koshona bo‘lib.

Jahon ichra mening tengsiz jahonim –

O‘zbekistonim.

Ilk she’rlaridayoq Vatan bilan iftixor qilish, shu yurt farzandi ekanligidan g‘ururlanish Erkin Vohidov she’riyatiga xos edi. “Jahon ichra tengsiz jahon”, “Ming bir dovon oshgan alp pahlavon”, “Iskandarni majruh etgan kamon”, “Buyuklar tan bergan buyuk doston”, “Kulib turgan, yorug‘, munis makon” – O‘zbekiston shoir qalamida mislsiz o‘xshatishlar, nodir sifatlashlar bilan ta’riflanadi.

Yurt va Vatan o‘z o‘tmishi, buguni, kelajagi bilan mukammal, ajdodlari va avlodlari bilan to‘kisdir. Erkin Vohidov she’rlarida ana shu butunlik tadrijiy ravishda tiklana borganini kuzatish mumkin:

Yurt va Vatan o‘z o‘tmishi, buguni, kelajagi bilan mukammal, ajdodlari va avlodlari bilan to‘kisdir. Erkin Vohidov she’rlarida ana shu butunlik tadrijiy ravishda tiklana borganini kuzatish mumkin:

Xarob kulba,

Va bir parcha yer,

Atrofiga tutilgan chetan.