Bitiruv malakaviy ish Mavzu: Erkin Vohidov lirikasi: badiiy mahorat va uslubiy individuallik

Umr bo‘yi bobom to‘kdi ter

Qilgunicha shu yerni vatan…

Vatan!

Qutlug‘ bu tushunchaga

Olam mazmun baxsh etdi otam…

Yillat o‘tar,

O‘tar asrlar.

Bizning tarix qolar yiroqda.

Xokimizdan ona tuproqda

Chechak bo‘lib unar nasllar.

Erkin Vohidovning o‘nlab she’riy asarlarida Vatan, millat, uning erki, ozodligini ifodalovchi asarlar o‘rin oldiki, bularning zamirida lirik qahramonning ruhiy-ma’naviy iztiroblari, o‘zlikni anglashga bo‘lgan intilishlari go‘zal tashbehlar asosida talqin etilgan.

Adabiyotshunos olim Umarali Normatov qayd qilib o‘tganidek: “Zamin, zamon va inson tashvishlariga hamdardlik oddiy kundalik hodisalarida katta insoniy muammolarni ko‘ra bilishb, ulardan umumbashariy ma’nolar qidirish, o‘sha kezlari o‘zini hayajonga solgan masalalarni dadil o‘rtaga qo‘yib, ularga javob izlash, odamlar e’tiborini jalb etish – bu davrdagi eng yaxshi doston va she’rlariga xos xususiyatidir”.

Haqiqatan ham, Erkin Vohidov lirik qahramonidagi mavjud dard va alamlar kitobxon qalbini larzaga soladi, hayotga, tarixga teranroq nazar solishga undaydi. Shu jihatdan, shoir XX asr boshlaridagi Abdulla Qodiriy, Abdulla Avloniy, Cho‘lpon, Fitratlar boshlagan an’analarni izchillik bilan she’riyatda, ya’ni o‘z ijodida davom ettirdi. Erkin Vohidov XX asrning 70-yillari so‘ngida yaratilgan “Ruhlar isyoni” asarida makon va zamonni Hind o‘lkasiga ko‘chirib, asar qahramoni Nazrul Islom obrazi misolida, millatimiz tarixi, uning erki, ozodligi, Ona-Vatanning mustaqilligini, shaxs erki kabi mavzularni baralla talqin etadi.

Shoirning “Turkiston bir, vatan bir” she’riga diqqat bilan nazar solsak, undagi g‘oya va mazmun Cho‘lpon boshlagan Turkiston birligi, unung ozodligi g‘oyalarining davomidek taassurot qoldiradi:

Shoirning “Turkiston bir, vatan bir” she’riga diqqat bilan nazar solsak, undagi g‘oya va mazmun Cho‘lpon boshlagan Turkiston birligi, unung ozodligi g‘oyalarining davomidek taassurot qoldiradi:

Qadim ona bu tuproq,