Matematika fakulteti

Tosınnanlı shamanıń bólistiriw funkciyası

Úzliksiz tosınnanlı shama bazı bir aralıqtı úzliksiz toltırıwshı sheksiz kóp (sanaqsız kóplik) múmkin bolǵan mánislerge iye. Bunday tosınnanlı shamalar ushın tablica (bólistiriw qatarın) dúziw múmkin emes.

Tosınnanlı ξ shamasınıń bólistiriw funkciyası dep

F(x)=P{x <ξ} (2.1)

funkciyaǵa aytıladı. Onı geyde bólistiriwdiń integrallıq funkciyası yamasa tosınnanlı shamanıń integrallıq bólistiriw funkciyası dep te ataydı.

Eger tosınnanlı x shamanı sınaw nátiyjesinde Ox kósherinde anaw yamasa mınaw jaǵdaydı iyeleytuǵın tosınnanlı noqat dep qarasaq, onda F(x) bólistiriw funkciyası tosınnanlı ξ noqattıń x noqattan shepke (solǵa) túsiw itimallıǵın bildiredi.