O`zbekiston respublikasi oliy va o`rta maxsus ta’lim vazirligi buxoro davlat universiteti filologiya fakulteti

Bitiruv malakaviy ishning maqsad va vazifalari. Mustaqillik davri hikoyalarida mavzu va muammolar, davr fojealarining qahramon qismatiga ta’siri muammosi, hikoyanavislarning mahorati masalari juda ko‘p ishlarda tahlil etilgan. “Mustaqillik davri hikoyalarida milliy ruh va ma’naviy-axloqiy muammolar” mavzusidagi malakaviy bitiruv ishimizda esa Shukur Xolirzaev va Nazar Eshonqul hikoyalari inson tafakkuri va ma’naviy-axloqiy dunyoqarashida ro‘y bergan o‘zgarishlarni tahlil qilishni maqsad qilib belgiladik. Bu maqsadni amalga oshirish uchun esa quyidagi vazifalar belgilab olindi:

• 
  Mustaqillik davri nasrining o‘ziga xos xususiyatlarini o‘rganish;
  
• 
  SHu davr hikoyachiligida modernistik yo‘nalishdagi asarlarga munosabat bildirish;
  

• 
  Shukur Xolmirzaev va Nazar Eshonqulning nasrdagi o‘ziga xos uslubi masalasini tadqiq qilish;
  
• 
  Shukur Xolmirzaev va Nazar Eshonqul hikoyalardagi obrazlarning o‘ziga xos jihatlarini ko‘rsatish va jamiyatdagi qarashlar bilan to‘qnashayotgan bosh qahramon dunyoqarashidagi o‘zgarishlarni tahlil qilish;
  

• 
  Shukur Xolmirzaev hikoyalarida xarakter yaratishning yangicha tamoyillarini o‘rganish;
  
• 
  Shukur Xolmirzayev hikoyalarida ijtimoiy, ma’naviy, axloqiy masalalarni badiiy talqin qilish;
  
• 
  Nazar Eshonqul hikoyalarida ramz va qahramonlar ruhiyatining o‘ziga xosligini aniqlash;
  
• 
  Nazar Eshonqul hikoyalarida ma’naviy-axloqiy muammolarning noan’anaviy talqinini ochib berish masalasini o‘rganishdan iborat;
  
• 
  Har ikkala muallif hikoyalarining bugungi kundagi ahamiyati, yoshlar tarbiyasidagi o‘rni masalalarini tahlilga tortish.
  

Ishning ilmiy yangiligi. Mazkur bitiruv malakaviy ishining ilmiy yangiligi shundaki, Shukur Xolmirzaev hamda Nazar Eshonqul hikoyalarida milliy ruh va ma’naviy-axloqiy muammolar masalasi tekshirilmoqda. Ya’ni ularning hikoyalarida qo‘yilgan muammo qanday ifoda etilgani va uning echimi o‘rganiladi. Jamiyat hayotida ro‘y berayotgan o‘zgarishlar, milliy ruh ifodasi, ma’naviy-axloqiy evrilishlar, qahramonlarning ruhiyati va xarakterini yaratishda ramzlarning o‘ziga xos jihatlari ham tekshiriladi. Bundan tashqari, har ikkala ijodkor asarlari badiyatiga daxldor tafsilotlarga chuqur ahamiyat berish orqali yozuvchilar erishgan yutuqlar aniqlashga harakat qilinadi. Bu esa tanlagan mavzumizning ilmiy yangiligini belgilaydi.