II. BOB. TADQIQOT SHAROITLARI, OB’EKTI VA USLUBLARI
2.1 Tadqiqot sharoitlari
Buning uchun 2019-2022 yillarda Samarqand viloyati, Samarqand shahri, Samarqanddagi tumanlar va uning atrofi chiqindixonalari hududlaridagi tibbiy chiqindilarni har tomonlama o’rganish, Samarqand viloyati shahridagi Ekologiya va atrof-muhitni muhofaza qilish boshqarmalarining Atrof-muhitni muhofaza qilish labaratoriyalarida mavjud bo’lgan materiallardan foydalandik va shaharlarda noqonuniy chiqindilarni tashlanish hududlarini o’rgandik. Hamda kutubxonalardagi mavzuga oid adabiyotlarni tahlil qildik.
2.2. Tadqiqotning ob’ekti
Tadqiqotning ob’yekti sifatida Samarqand viloyati tumanlari va shahri, chiqindixonalaridagi tibbiy chiqindilar turlarini : bir martali ishlatiladigan shpritslar, qon quyish tizimlari, bemorlarni parvarish qilish vositalarini (qo'lqop, tagliklar, xalatlar, choyshablar va boshqalar) o’rganish xizmat qildi.
2.3. Tadqiqot uslublari
Tadqiqot uslublari uchun adabiyotlar [11,24] da, O‘zbekiston Respublikasi milliy ma‘ruzalarida [15] va viloyatlar, shaharlar Ekologiya va atrof-muhitni muhofaza qilish qo’mitalarida mavjud bo’lgan tibbiiy chiqindilarga ta’aluqli materiallarni o’rganish va shaharlar, tumanlar hududida o’tkazgan shaxsiy kuzatishlarimiz (Xususan, Samarqand viloyati va Samarqand shahridagi statsionar holdagi) xizmat qildi.
Dissertatsiya chiqindilarga bag’ishlanganligi sababli, biz quyida chiqindilar qonunining asosiy bo’limlaridan qisqacha ma’lumot keltirishni lozim topdik [30].
O‘zbekiston Respublikasining “Chiqindi to‘g‘risida” qonuni
2002-yil 5-aprel 362 – 11- son bilan O‘zbekiston Respublikasining birinchi Prezidenti I.Karimov tomonidan tasdiqlangan. Va ushbu qonun 2002-yil 5-aprel 363 – 11 son bilan amalga kiritilgan va O‘zbekiston Respublikasi Oliy Majlisining raisi E.Xalilov tomonidan tasdiqlangan. “Chiqindi to‘g‘risida” gi qonun 30 moddadan iborat bo‘lib, ularning ayrimlarini quyida izohlaymiz.
Chiqindi bilan bog‘liq ishlarni amalga oshirish to‘g‘risidagi qonun hujjatlari buzilganligida aybdor shaxslar belgilangan tartibda javobgar bo‘ladilar.
Uning 1-moddasida. Ushbu qonunning maqsadi va asosiy vazifalari keltirilgan bo‘lib, unda chiqindilar bilan bog‘liq ishlarni amalga oshirish sohasidagi munosabatlarni tartibga solishdan iborat.
Qonunning asosiy vazifalari chiqindilarning fuqarolar hayoti va sog‘ligiga, atrof-muhitga zararli ta’sirining oldini olish, chiqindilar hosil bo‘lishini kamaytirish va ulardan xo‘jalik faoliyatida oqilona foydalanishni ta’minlashdan iborat.
2-modda. Asosiy tushunchalar-chiqindi bilan bog‘liq ishlarni amalga oshirish, chiqindi pasporti, ya’ni uning kamyob chiqishi, chiqindilarni joylashtirish ob’ekti,chiqindilarni ko‘mib tashlash, chiqindilarni utilizatsiya qilish, ya’ni ular tarkibidan qimmatli moddalarni ajratib olish yoki chiqindilarni ikkilamchi xom-ashyo, yoqilg‘i va boshqa maqsadlarda ishlatish.
Chiqindilarni qayta ishlash – ularni ekologik jihatdan bexatar saqlash, tashish.
Xavfli chiqindilar.
5-moddada. O‘zbekiston Respublikasi Vazirlar mahkamasining chiqindi bilan bog‘liq ishlarni amalga oshirish sohasidagi vakolatlari.
O‘zbekiston Respublikasi Vazirlar Mahkamasi:
chiqindi bilan bog‘liq ishlarni amalga oshirishga oid davlat dasturlarini tasdiqlaydi va ularni bajarilishini ta’minlaydi;
chiqindi bilan bog‘liq ishlarni amalga oshirish sohasida davlat hisobi va nazorati olib borilishi tartibini belgilaydi;
chiqindilar ko‘mib tashlanadigan va utilizatsiya qilinadigan joylarning davlat kadastrini yuritish tartibini belgilaydi;
6-modda. Chiqindi bilan bog‘liq ishlarni amalga oshirish sohasidagi mahsus vakolatli davlat organlari.
O‘zbekiston Respublikasi Tabiatni muhofaza qilish davlat qo‘mitasi.
O‘zbekiston Respublikasi Sog‘liqni saqlash vazirligi.
Do'stlaringiz bilan baham: |